హరినెఱగని జన్మ మదియేలా ఆ
సరుస నాతడు లేని చదువేలా
దయ తొలగినయట్టి తపమేలా
భయము లేనియట్టి భక్తేలా
ప్రియము మానినయట్టి పెనగేలా మంచి
క్రియావిరుద్ధపు కీర్తనలేలా
ఫలములేనియట్టి పనులేలా కడు
కలిమిలేనియట్టి గర్వమేలా
బలిమిలేని యట్టి పంతమేలా శౌరి
తలచని యట్టి తనువది యేలా
తన కమరని దొరతనమేలా
చనవు లేని యట్టి సలిగె యేలా
యెనలేని శ్రీవేంకటేశ్వరుని శరణని
మనగలిగిన మీద మరిచింతలేలా
No comments:
Post a Comment