అన్నిటా జాణవు నీకు నమరు నీ జవరాలు
కన్నుల పండుగ గాను కంటిమి నేడిపుడు
సేయని సింగారము చెలియ చక్కదనము
మోయని మోపు గట్టిముద్దుచన్నులు
పూయకపూసిన పూత పుత్తడి మేనివాసన
పాయని చుట్టరికము పైకొన్న చెలిమి
గాదెబోసిన మణులు కనుచూపు తేటలు
వీదివేసిన వెన్నెల వేడుకనవ్వు
పోదితో విత్తిన పైరు పొదిలిన జవ్వనము
పాదుకొన్న మచ్చికలు పరగువలపులు
పుట్టగా బుట్టిన మేలు పోగము సమేళము
పెట్టెబెట్టిన సొమ్ములు పెనురతులు
యిట్టె శ్రీవేంకటేశ యీ యలమేలుమంగను
నిట్టన గూడితి వీకె నిండిన నిధానము
No comments:
Post a Comment